काठमाडौँ — त्रिभुवन विश्वविद्यालय, इन्जिनियरिङ अध्ययन संस्थान (IOE), प्रवेश परीक्षा बोर्डले आगामी शैक्षिक वर्ष २०८३/०८४ का लागि स्नातक (BE/B.Arch) तहको प्रवेश परीक्षा सम्बन्धी अत्यन्त जरुरी सूचना प्रकाशन गरेको छ।
आईओई अन्तर्गतका आंगिक क्याम्पसहरू तथा सम्बन्धन प्राप्त कलेजहरूका विभिन्न इन्जिनियरिङ र आर्किटेक्चर कार्यक्रमहरूमा भर्ना हुन चाहने विद्यार्थीहरूका लागि यो प्रवेश परीक्षा अनिवार्य गरिएको छ। यो परीक्षा सूचना प्रविधिको आधारमा कम्प्युटर विधि (Computer Based Test) मार्फत सञ्चालन हुनेछ।
महत्वपूर्ण मिति र विवरणहरू
सुचना मा उल्लेख भए अनुसार विद्यार्थीहरूले भुल्नै नहुने मुख्य मितिहरू यस प्रकार रहेका छन्:
अनलाइन फारम खुल्ने मिति: प्रवेश परीक्षाको आवेदन फारम मिति २०८३ साल असार ३ गते देखि उपलब्ध हुनेछ।
आधिकारिक वेबसाइट: योग्य तथा इच्छुक आवेदकहरूले आईओईको आधिकारिक प्रवेश परीक्षा पोर्टल entrance.ioe.edu.np मा गएर फारम भर्नु पर्नेछ।
परीक्षा सञ्चालन हुने मिति: कम्प्युटर विधिबाट लिइने उक्त प्रवेश परीक्षा मिति २०८३ साल असार २८ गते देखि सञ्चालन हुनेछ।
थप विस्तृत जानकारी
प्रवेश परीक्षा बोर्डका अनुसार आवेदन फारम भर्ने विस्तृत तरिका, परीक्षा केन्द्र, सिफ्ट तथा अन्य आवश्यक जानकारीहरू मिति २०८३/०३/०२ गतेको गोरखापत्र राष्ट्रिय दैनिकमा प्रकाशन गरिनेछ। साथै, सोही मितिदेखि उल्लेखित आधिकारिक वेबसाइटमा पनि विस्तृत विवरण (Prospectus) उपलब्ध गराइने सूचनामा जनाइएको छ।
विद्यार्थीहरूले अब के गर्ने?
१. कागजातहरू तयार पार्ने: असार ३ गतेदेखि फारम खुल्ने भएकाले आफ्ना आवश्यक शैक्षिक प्रमाणपत्र, नागरिकता/परिचयपत्र र डिजिटल फोटोहरू पहिले नै दुरुस्त अवस्थामा राख्नुहोस्।
२. पाठ्यक्रमको तयारी: यो परीक्षा निकै प्रतिस्पर्धात्मक र कम्प्युटरमा आधारित हुने भएकाले गणित (Mathematics), भौतिकशास्त्र (Physics), रसायनशास्त्र (Chemistry) र अंग्रेजी (English) विषयको आईओई पाठ्यक्रम अनुसार तयारीलाई तीव्रता दिनुहोस्।
३. अपडेट रहनुहोस्: अनलाइन फारम कसरी भर्ने र अन्य नयाँ अपडेटहरूका लागि nneducation.com र आईओईको आधिकारिक पोर्टल नियमित हेर्दै गर्नुहोस्।